لنتعرف على مناطقنا .... ارجوا التثبيت

[Valdes]

السلام عليكم
اشلونكم يااحلى اعضاء
انشاء الله الجميع بخير

فكرة جديده وغريبه
وتتضمن هذه الفكره انه كل عضو او مشرف يخبرنا عن منطقته
من احوال سكانها واعمالهم
وما هو الطابع الذي يغلب هذه المنطقه وكل شي يتعلق بمنطقته
مع ذكر اسم المنطقه

انشاء الله تكونوا قد افتهمتوا الفكره وعجبتكم
انتظر مشاركاتكم
تحياتي للجميع

[اللؤلؤه البيضاء]

مشكوووووووووور على الفكره الحلوه ويشرفني اجاوبك
منطقتي حي النضال ابغداد منطقه حلوه واكثر الناس الي بيهه محترمين سمعت انو جانت قبل بحر بعد ما اعرف صدك جذب وسمعت عن ماضي المنطقه انو جانو قبل ايسهرون باليل يعني يحجون قصص بس هسه طبعا مومثل قبل -احب منطقتي كلش
تحياتي الك يا اخي الكريم

[Valdes]

شكرا لكي اختي الغاليه ( اللؤلؤه البيضاء ) عل مرورك
وعلى معلوماتك الجميله
نورتينا
تحياتي لكِ

[Valdes]

ياجماعه وينكم انريد تفاعل ويه الموضوع

منتظريكم

[سماره]

اسعدت صباحاً ايها الاخ العزيز
مواضيعك بمنتعى الجمال والروعة
المنطقة التي اسكنها كنت في بغداد هي اليرموك
سااتكلم عنها كثيراً ولاتتصور مدى سعادتي واشتياقي للعودة لعا
اسكن بالتحديد في حي الداخلية في اليرموك
ومنطقتي من اجمل المناطق واكثرها هدوئاً والناس اذين يقطنون في هذة المنطقة احدهم يعرف الاخر اكثر من اخية
فيها جامع ومدرسة الوثبة التي تعتبر من اقدم المدارس ساكتفي لهذا الحد
لان الدموع تسبق يدي في الكتابة
سلمت اخي الغالي حسوني وانشاء الله ياخذ موضوعك الاهمية الكبرى
تحياتي

[~عـاشِـقـُ الـقـلـمْ~]

السلام عليكم اخوي مواضيعك حقا رائعه وتستحق الشكر والثناء عليها


انا اسكن في محافظة الانبار
قضاء حديثه
بالتحديد في قرية صغيرة وجميلة وهادئة ذات طابع ريفي تسمى (( الخسفة)) لانها في منطقة شبه صحراوية وتوجد بها خسوفات عدة

لكن تتمتع قريتي بنفوذ واسع ولها تاثير مباشر وفعال على مستوى المحافظة

وانا اسكن في هذه القرية منذ نعومة اظفاري ولا ازال وسابقى ان شاء الله

[Valdes]

سماره

تحيه طيبه
شكرا على مرورك الجميل الذي اسعدني كثيرا
وشكرا عل ردك الذي انار الموضوع
وانشاء الله ترجعين المنطقتكم في اقرب وقت
تحياتي لكِ


~عـاشِـقـُ الـقـلـمْ~

المواضيع ليست بلرائعه ان لن تكون بها مثل ردودكم الرائعه
فمرورك ادخل في نفسي البهجة والسرور
انشاء الله الله يدميك على منطقتكم ذخر
تحياتي لك

شكرا على تثبيت الموضوع واعدكم بان القادم افضل باذن الله

[للموت ما انساك]

بالبداية احب اهنيك عالموضوع الجميل

طبعا اني منطقتي كربلاء _طوريج مدينة المالكي[Only Registered Users Can See Links]
يصير جيرانة[Only Registered Users Can See Links]

اني احبهة كولش وخاصة برمضان تصير كولش حلوة ناس تطب على ناس[Only Registered Users Can See Links]

شكرا مرة ثانية على الموضوع المميز

[Valdes]

شكر اختي الغاليه حنفوشه عل مروركِ الى موضوعي
واذا شفتي المالكي سلميليه عليه هعهعهع
تحياتي لكِ
نورتينا

[●♥ــ! تـﮯــح ـــبنيـﮯ ومـﮯــعـــذبنيـﮯ !ـــ♥●]

مشكور حبي على الطرح او الفكره المميزه
دووم التالق و الابداع
~~~~~~~~~~~~~
منطقتي المنصور / حي دراغ / مقابل جامع حي دراغ
اكيد كلكم سامعين بهاي المنطه على جماله او طيبه ناسه
ما حاجه او ضح اني
تحياتي

[THE PATRIOT]

شكرآآآآآآ موضوع روعه

اني من مدينة تكريت ..............حي الاربعين منطقه حلوه وجميله

تحياتي للكل

[Valdes]

شكرا على مروركم الرائع
وياريت لو اشويه تفاصيل اكثر حتى نتعرف عل مناطق اكثر
تحياتي لكم

[عاشق الربيع]

مشكووووووووووووور حبي عالموضوع الرائع والمميز جدا

اني اسكن منطقة الغزاليه كانت قبل الطائفيه منطقه جميله لكن بعد الطائفيه(الله يلعن الي سواها) اصبحت منطقه مكروهه لأن انقسمت الى نصين وصارت تعبانه الحقيه اني ضايج منها هسه وللعلم صارلي 18 سنه بيها يعني من جان عمري سنه واحده

مشكوووووووووووور مره ثانيه وياريت تحجينه عله منطقتك

[^_^ Kitty Cat]

أشكــرك اخوية العزيز على موضوعــك ..

أول شي أني أسكــن بمدينة ( تكريت ) اللي هي مركز محافظة صلاح الدين ..

هاي المدينــة متتصورون اهلهه شكد طيبين وكـُـرمــآء .. والناس البيهه يتمتعون بحيــآة بسيطــه هادئة ..

مدينتي بيهه المدارس ذات المستوى الجيد .. و الجوامع .. وبدأت الآن والحمدلله تزدهــر و تتعمر .. والحيـآة فيها عــآمرة بالمحبــه والتعاون ..

ومهمــآ يصير من المستحيل ان أبعد عن مدينتي الغاليــهـ ..

ومهمـآ وصفت لا يمكن أن أوفي حق تلك المدينــة الغاليه على قلبي ..


وشكراً أخوية مرة ثانيه عالموضوع المميز جداً ..

[Valdes]

عاشق الربيع
شكرا عل مرورك اخويه العزيز
ويارب ترجع منطقتك مثل مجانت واحسن يارب
وانشاء الله اتحدث عن منطقتي قريبا
تحياتي لك


كيتي كات
شكرا عل مرورج اختي الغاليه
وانشاء الله الله ميبعدج عن منطقتج
تحياتي لكِ

[عراقية وبدمي بغداد]

موضوع روعة والله اهنيك على اختيارك اله
بس اني بالغربة وبالامارات بالتحديد تريدون احجيلكم عنها
واني تقريبا صارلي اكثر من 8 سنوات هنا
لو تريدون احجيلكم عن منطقتي اللي انولدت بيها ببغداد
اني من شارع فلسطين
انتضر جوابكم
:character05::character05::character05:

[عاشق الربيع]

هلووووووو عراقيه
يا ريت تحجينه عن المنطقه الي انت بيها هسه بالامارات

[LiNoOsH]

اني من بغداد
من منطقةحي الجامعه
بس هسه اني مساكنه
بيه بسب الاوضاع التعبانه وساكنه بمنطقه
قريبه من الكاظميه(المحيط)
ادعولي ارجع بيه

شكرا حسن عل الموضوع

[Valdes]

شكرا عل مرورك يااحلى اعضاء
والله العظيم نورتوا الموضوع
وانشاء الله الجميع يرجع ال مناطقهم يارب
تحياتي لكم

[عراقية وبدمي بغداد]

السلام عليكم
اخي فالديس . الموجودين جميعا
اني اكتب الكم من الامارات ومن الفجيرة تحديدا
منطقتي اللي اعيش بيهامن سنة 2001 ولحد الان
منطقة هادئة وتختلف عن دبي وابو ظبي
عندما اتيت اليها كانت قليلة البنيان ولكن مع مرور الايام زادت عمرانها
الناس الموجودين من كل الجنسيات وطبعا الامارتيين على راسهم
وطبعا الناس اهنا اهلها طيبين جدا الا الدخلاء عليها
واعني ان يتزوج اماراتي من جنسية ثانية واقصد مثلا يتزوج بهندية او فلبينية
او مصرية او فلسطينية وحتى عراقيات اعرفهم متزوجين امارتيين وينتج عنهم ابناء ويكون طبعهم غير وهنا عدهم المواطن وبس ياخذ كل حقوقة من الدولة والدولة ممنونة اله
طبيعة الجو حار ورطب وخاصة انالبحر قريب جدا من المدينة وكل شي موجود بيها من مولات واسوق شعبية والعمالة الموجودة فيها اكثر من المواطنين وكذالك هي مدينةمكونة من صحراء ورمال وجبال قليل ة المطر وليس بها شتاء وانما قليلة لا تتعدا شهر واحد وليس برد القارص العمل فيها منحصر بالشهادات العالية والخبرات والمواطن اولا ثم الخليجي ثانيا والعرب بعدين ناسها يركبون احلى واغلى السيارات بيوتهم قصور ورواتبهم عالية جدا تصل الى 10000 دولار بالشهر وتخيلو بيش يصرفوها البنات بالالماس والفساتين والسهرات والعطور وهم يحبون دهن العود جدا والدخون وتفصيل الكنادير للشباب والعبايات للنساء وعلى فكرة هم كشخة هواية............
بعد مااعرف شاوصفلكم بعد اللي عندة سوال يسالني واني اجاوبه
بس والله متسوى شي كدام بغداد الحبيبة
والسلام ختام

[Valdes]

عراقية وبدمي بغداد

شكرا عل شرح الرائع لمنطقتكِ

وياريت لو كل الاعضاء يخبرونا عن مناطقهم بهذا الكم الهائل من المعلومات

انشاء الله يرجع العراق مثل ماكان واحسن ويرجعون الناس الطيبين امثالكم يارب
وتعوفن الغربه وهل ناس النذله مع الاسف
والحقيقه اذيتيني بهاي العباره
(والمواطن اولا ثم الخليجي ثانيا والعرب بعدين ناسها يركبون احلى واغلى السيارات بيوتهم قصور ورواتبهم عالية جدا تصل الى 10000 دولار)
شكرا لكِ مره اخرى اختي العزيزه
تحياتي لكِ

[the lord]

مشكور اخويه فالديس على الموضوع الروعه

اني ساكن بالمنصور بجهه مرطبات الرواد والحمد الله هي منطقه هادئه حتى لمن علكت بقت هادئه
لان ناسها خوش ناس وماعدهم هيجي شغلات . واني ساكن بيها تقريبا 8 سنوات.
والناس قبل جانت تفتر بالمنصور لحد الساعه 11 ( لان هي منطقه تجاريه ) بس هسه ب 8 كلها تشلع
بس الحمد الله هي زينه وناسها زينين

[CeSaR Al KuRdE]

هلو حبي فالديس
اني منطقتي هية شارع فلسطين-بشارع كنيسة مريم العذراء
منطقتي كلش حلوة وناسها خوش ناس سابقا
وهسة مبقى احد من الناس القديمين شكم بيت
اني طبعا كنت بكندا قبل 3 سنوات والعام رجعت
هسة شارع فلسطين بدت ترجع والحمد لله
والناس اللي برة بدو يرجعون هم
اسف على الاطالة بس الموضوع بالرغم من انو بسيط بس مؤثر
((بغداد كلها منطقتنا العراق كلى بيوتنا))

[!× صٌٍمَتيًِِ قْهًرٍ غٌ ـٍـًيرٌيُِ ×!]

شكرا حسوني
اني اسكن بمنطقه شارع فلسطيين واكيد الكل سامع بهاي المنطقه وطيبه ناسها
وكولش احبهه
بباي

[maissa]

مشكوووووووووور عالمووضوع الرووعة

اني اسكن بالاعظمية -حي الشماسية -قرب تقاطع الصباح
يعني قريب شارع الضباط وشارع عمر بن عبد العزيز

وطبعا الاعظمية معروفة باهلهة وناسهة
ومنطقتي كلش حلوة واني كلش احبهة
والحمد لله رجع الوضع احسن بعد الاوضاع السيئة الي مرت بيهة

والله يحفظ كل مناطق بغداد والعراق ويحفظ العراقيين اجمعين

[Valdes]

شكرا عل مروركم يااحلى اعضاء
والحمد لله ياهو يخبرنا عن منطقته يكول ناسها طيبين
انشاء الله العراق كل ناسه طيبه

ويارب يحفظ العراق والعراقيين
تحياتي لكم جميعا

[دمعه على خدود القمر]

هلوووووووو شلونكم اليوم حبيت احجيلكم على منطقتي
طبعااااااا لمن جنت صغيره جنا كاعدين بلمنصور بحي الداودي
بس هسه حاليا احنه بليرموك بحي الداخليه
طبعا منطقتي حلووووووووووووه بغايه الرووووووووووعه
واني كلش تعجبني
هي ومدارسها
طبعا احنه ثانويه حطين كلش قريبه علينا وكلش حلوه
وهاي المدرسه كلش قديمه
وثانويه الوثبه هم قريبه
ونااااااااااااااااااااااااسها كلش محترمين
وما اظن بكل الكلمات اكدر اوصفها
مشكووووووووور خيووووووووو

على الموضوع الحلوووووو وعاشت ايدك طلعنا اني وسماره جيران :mf_dribble:

[؛؛تـ؛الروح؛ـؤام؛؛]

الــســلامــ عـلـيـكـمــ
شلونكم حبايب
تحياتي الكم ياورود وخصوصاًvaldes
تحياتي الك ولمجهودك الرائع
(متكولي شنو انت طلعت نابغة)
اليوم حابة احجيلكم عن منطقتي
اني اسكن بغداد-الكرادة
الصراحة صارلي 8سنوات بيهة
يعني اول ما كدرت افتهم الدنيا اني بالكرادة
منطقة رائعة رائعة رائعة
شكد مااكول واكيد انتوا كلكم تعرفوهة
(وهل يخفى القمر)
عالعموم راح احجي عن الحي الي اني ساكن بيه
الصراحة الناس كلهم قلوبهم طيبة جداً
ومتعاونين
اصلاً همة ينتظرون احد ينخاهم حتى يوكفولة
الحقيقة المنطقة الي اني ساكنة بيهة تجارية
فبيهة حركة قوية وخاصة بالنهار
تلكة الناس رايحين جايين
(بحيث الناس كلهة تتأخر بالنوم الا احنة اهئ اهئ)
المهم مع هذا اني كلش احبهة
ومتعلقة بيهة لدرجة كلش جبيرة
حتى احياناً جانت الظروف تكون اقوى منة وتجبرنا على الانتقال
فأني مجنت اسمح لأهلي انه يطلعون من الكرادة
هذا كل الي عندي
واتمنى الامان يرجع لمنطقتي وللعراق كله يارب كولوا آمين

[Valdes]

تدلوووووووووووووون
وشكرا عل مروركم المميز
تحياتي لكم
نورتونا

[مروان الجنابي]

منطقتي شارع فلسطين المستنصريه
ماكو احد ميعرفه يم الجامعه المستنصريه او منطقه كلش حلوه

شكرا على موضوع الحلو

[Dream Lost]

اني بتكريت
منطقة حي البعث
امام مركز رجال الشرطة في تكريت
وطبعا الحمدلله رب العالمين
اطلع ساعه 7 ليل
ارجع 1 بليل
يوكفوني الشرطة اكولهم راجع للبيت يكللولي هلا بيك
كلنا اخوان والشرطة بخدمتنا بتكريت
وابد مصارت بيها طائفيه
وبالعكس اذا شيعي محتاج او كردي او اي واحد احنا نخلي بكلبنا
وماكو فرق كلنا عراقيين
وعلى فكرة اني من نولدت لي حد الان اني بتكريت
واتمنى اموت واندفن بيها
تحياتي

[Hrithik Roshan]

يسلموووووووووووو على الموضوع الحلو

[Valdes]

خيوو Hrithik_Love اسعدني مرورك
لكن مع الاسف لم تتحدث عل منطقتكم
انشاء الله ترجع مره لخ وتخبرنا بيها

شكرا خيوو مروان الجنابي - عايد التكريتي
عل مروركم وانشاء الله يحفظ مناطقكم
ويحفظ العراق

تحياتي لكم

[عٍـ،ـسٍـ،ـل آلبٍـ،ـغٍـدآدي]

ألف شكر لك يا مبدع على الفكره الرائعه

أنا أسكن في منطقة الحارثيه . وهي منطقه صغيره نوعاّ ما وهادئه جدا أكثر سكانها من الشخصيات المعروفه على الصعيد السياسي والثقافي والاجتماعي , لها طابع خاص لقربها من المؤسسات المهمه والدوائر الحكوميه , فتتميز بوجود عناصر الأمن والحمايه بكثره . وبالرغم من ذلك وللأسف هناك دائما من ينسبها الى منطقة المنصور لقربها الشديد منها , فالغريب عن جانب الكرخ خصوصاّ وعن بغداد عموماّ لا يميزها عن المنصور , وهي على قسمين الحارثيه القديمه والجديده ويفصل بينهما الشارع الرئيسي ( شارع الكندي ) , اتمنى اني وفقت بوصف منطقتي الحبيبه ..

تحياتي

[N!ghtwish]

:mf_dribble: هاي شنو الموضوع الحلوووو

اول مرة اشووفه وربي ،،،، :character05:

مشكووووور حبي على الموضوع وعاشت ايدكـ


واني منطقتي ببغداد هي المنصور وتحديداً

ورة بنكـ الرافدين الي صاير قريب من تمثال ابو جعفر

المنطقة هناكـ كلش هادئة وحلوة والناس الي بيها طيبين وكل

واحد يعرف الثاني واجتماعيين بطبعهم ،،، الحلوو بالمنطقة انه

صايرة بالنص بحيث قريبه على الرواد والحارثية وشارع الاميرات

واهم شي قريبة على نادي الصيد :angel_not:

بس اني حاليا بالامارات وتحديداً بالعاصمة ابوظبي

ومنطقتي اسمه الخالدية ،،، منطقة كلش حلوووة

والحركة بيها متخلص لانه منطقة تجارية

اول ما اجينه بيها بالـ 99 جانت بعدها مكامله

والشوارع مالتها تراب ،،، بس بسنة وحدة تغيرت

وزاد بيها عدد الناس بحيث هسه ماكو مكان ( باركـ )

حتى الواحد يوكف بيه سيارته ،،،،،

وابوظبي مدينة كلش حلوووة بالنسبة الي احلى من دبي

وارتب هم ،،،، كلشي بيها جديد ما بقى شي قديم بيها الا المواقع

الاثرية والتراثية ،،،، مدينة صناعية صارت مزدحمة ببناياتها العالية ،،

والكورنيش من احلى الاماكن الي يستمتع بيها الواحد لجمال الوجهه المطلة

على البحر ،،،،،

طبعا الجو يمنه حار ورطووبة ( لانه ابوظبي عبارة عن جزيرة بالبحر )

بس مو طول السنة يكون الجو هيج ،،،،، يعني هم عدنه برد وخاصة بالفترة الاخيرة

:angel_not::angel_not::angel_not:


وان شاء الله شرحي كان كافي


تحياتيـ

[Valdes]

عٍـ،ـسٍـ،ـل آلبٍـ،ـغٍـدآدي

شكرا اختي العزيزه عل مرورج الذي اسعدني كثيرا
طبعا محد يكدر يحجي شي عل للحارثيه
منطقه روعه روعه روعه
اني مدرستي بلحارثيه
فياريت لو فد سياره مفخخه :bomb:
لا كذب داشقه :lol3:
تحياتي لكِـ
نورتي الموضوع



Night wish

شكرا اخويه الورد عل مرورك
وانشاء الله ترجع لمنطقتك
وترجع لنادي الصيد
لان نادي الصيد يفتقد واحد ورده مثلك
شكرا لك عل شرح الوافي والكافي
نورت الموضوع
تقبل تحياتي

[sean paul]

عاشت ايدك حبي على الموضوع الجميل


والله اني من منطقة الجادرية والوضع عندنة زين امان

ويسلمووووووووووووو يا وردة على الموضوع الجميل

[raghad al iraqia]

شكرا على هذا الموضوع الحلو واني بغداد منطقتي الغزاليه اكيد الكل سامعين بيه والله هي منطقه حلوه وهادئه واني احبه كلش لكن هذا الشي اتغير بيه من سنتين واني اتمنى ترجع مثل قبل بس انتو ادعو ويرجعون اهله الطيبين والي ساكن بالغزاليه راح يعرف شنو قصدي واكرر شكرا على هذا الموضوع الجميل

[عاشق الربيع]

رغد اني من الغزاليه واعرف شتقصدين والحمدلله هسه بدت تتحسن وانشاء الله ترجع نفس قبل
تحياتي الج يارغد


وتحياتي الك يا فالديس

[Zey@d]

السلام عليم
آني بغداد / الصالحية / مجمع 28 نيسان / العمارات الخضراء .. و هي أهدأ مناطق العاصمة الحبيبة بحكم قربها من المنطقة الخضراء ... بس حاليا بسبب الوضع العام ببغداد اني ساكن بأربيل / بختياري وهي منطقة يسكنوها هواية ناس من بغداد و تعتبر من المناطق الجديدة بأربيل و تحيط بنا الوزارات من كل مكان .
مشكووور حبي عالموضوع الرائع
تحياتي