الأخبار -> رسالة مؤثرة من هنا الزاهد لطلعت زكريا بعد رحيله

09 اكتوبر 2019

نشرت الفنانة هنا الزاهد عبر حسابها على إنستاغرام، صورة جمعتها بالفنان الكوميدي الراحل طلعت زكريا، ووجهت له رسالة مؤثرة أعربت فيها عن حزنها الشديد وتقديرها للراحل الذي عاملها كابنته. كما استذكرت أجمل اللحظات التي جمعتهما والنصائح والدعم الذي كان يخصها به.

 

وقالت في رسالتها:

“دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين، انا فاتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت ٣ بنات و كأنك أبوهم و اكتر، أنا عايزة أقولك إني معرفتش كلمة بابا غير و أنا معاك، عمري مقولت أصلا تقريبا بابا غير ليك، كنت بجري عليك أول ماعمل حاجة غلط عشان تدافع عني قدام ماما، فكرة أول بيض أومليت و قولتلي اعملي مطعم ” بالهنا و الشفا” و اديتني ١٠٠ جنيه عشان تشجعني اطبخ، كنت دايما تقولي انتِ هتبقى حاجة كبيرة و كنت بتشجعني، كنت فخور بيا لما اتخرجت و عيطت اليوم ده، أنا عمري ما حسيت إنك مش أبويا اللي مخلفني، أنا مش مصدقة اني مش هشوفك تاني و أقولك زازي يا زازي، نفسي ترجع و أقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده، هتوحشني يا احن انسان عرفته في حياتي، ارجو الدعاء”

يشار إلى أن الفنان طلعت زكريا تربطه قرابة بالفنانة الشابة هنا الزاهد، إذ تزوج والدتها شيرين المنزلاوي ١٣ عاماً، حتى وقع الطلاق في يونيو ٢٠١٨. وتؤكد هنا في كثير من اللقاءات أنها اعتادت مناداة النجم الراحل “بابا”، لأنه قام بتربيتها.

وكان الفنان طلعت زكريا قد أصيب بالتهاب رئوي حاد نقل على أثره إلى المستشفى حيث فارق الحياة مساء الثلاثاء 8 أكتوبر.

 



الكاتب : كونترول بغدادي
Share it on Facebook نسخة للطباعة



جميع الحقوق محفوظة لـ : اغاني عراقية © 2020
برمجة اللوماني للخدمات البرمجية © 2011

   
جميع الحقوق محفوظة لـ شبكه بغدادي الحبيبه